Eftir Andras Gango valdi at gevast í Fuglafirði seinasta hóskvøld, hevur nevndin hjá ÍF leita eftir nýggjum málmanni til Vodafonedeildina hjá ÍF.

Tað tók akkurát eina viku at finna avloysaran hjá Andrasi, og valið fall á klaksvíksingin og fyrrverandi liðskiparan á A-landsliðnum, Jákup Mikkelsen.

Jákup Mikkelsen hevur drúgvar royndir í málinum, og var m.a. Danmarksmeistari við Herfølge í 2000 og fekk heiðurin sum Ársins Málverji í Formuladeildini 2008 og Vodafonedeildini 2009.

Avtala er gjørd við KÍ um flytingina av Jákupi, og ein 1-ára sáttmáli er undirskrivaður.

Vit eru sera glað fyri at fáa ein slíkan profil á ÍF-liðið afturat, og vónandi verður Jákup væl móttikin í Fuglafirði.

Vit vilja ynskja Andras Gango alt tað besta í framtíðini, og takka fyri eitt gott samstarv. Samstundis vilja vit ynskja Jákupi vælkomnan til Fuglafjarðar og góða eydnu í ÍF búnanum.