So hevur felagsliðið hjá ÍF/Víkingi fingið nýggjan venjara. Erik Ernesto Nielsen skrivaði undir í dag , og skal tí venja kvinnurnar kappingarárið 2015.

Hóast Erik einans er 27 ára gamal, so hevur hann longu fleiri ár á baki, sum venjari hjá bæði kvinnum og monnum. Hann hevur verið knýttur at KÍ tey seinastu árini, bæði sum høvuðsvenjari og hjálparvenjari, men komandi árið er hann okkara.

Vit fegnast um at venjarastøðan hjá kvinnunum er komin uppá pláss og ynskja nýggja venjaranum bestu eyðnu við uppgávuni.